San Pelaio jaiak ospatuko dituzte bihartik hasita Zarautzen, eta, horren ondorioz, gaur arratsaldera aurreratu dute ekaineko osoko bilkura. 19:00etan hasiko da saioa, udaletxeko pleno aretoan, eta hainbat puntu izango dituzte bertan aztergai; hala nola Zarauzko hondartzako ordenantzaren aldaketaz mintzatuko dira.
Bestetik, Amillubi eremuko higiezin multzoko 1 eta 3 partzelak lehiaketa bidez besterentzako prozedura arautzeko administrazio klausulen agiria onartzea aztertuko dute. Horrez aparte, urte anitzeko giza baliabideak kudeatzeko plana ere onartuko dute.